Showbiz News: Angel Locsin, Si Phil Younghusband na ba ang Magiging Husband Niya?

Sa isang panayam kay Phil Younghusband, nagbitaw ng salita ang Azkals player na gusto na niyang i-spend ang future niya kasama ng rumored girlfriend na si Angel Locsin.

Mukhang seryoso na nga talaga si Phil kay Angel. Ano naman ang masasabi ni Angel dito?

 "Magtu-twenty seven na ako next year, siyempre naiisip mo kahit papaano ayaw mong mag-waste ng time. 

Maging siya raw ay ayaw pumasok sa isang relasyon na alam niyang di seryoso at walang patutunguhan.

"Gusto mo kung sino yung kasama mong tao...yun na sana.

"Sinisigurado pa lang din naman namin, di naman namin pa napag-uusapan," aniya.

Nang tanungin ang estado ng relasyon nila ni Phil, consistent pa rin ang sagot ng aktres.

Wala pa sila sa puntong may pormal na talaga silang relasyon, pero di niya tinatago na masaya sila sa kung anuman ang mayroon sila ni Phil.

"Si Phil ang tanungin ninyo. Sa ngayon kasi di pa namin napag-uusapan yung may girlfriend, may boyfriend, yung mga ganun.

"Pero we are parang ganun.

"I think we are more than that, we are mature enough na hindi sa amin issue.

"Alam naman niya na ako ay para sa kanya, siya ay para sa akin, so wala namang masama dun.

"Wala pa nga kaming formality and all, pero right now kasi, we're very happy kung anuman ang nangyayari sa amin ngayon.

"Yung takbo, iba. Iba yung happiness namin.

"Kung magtutuloy-tuloy ito, di natin masabi. Sana, sana kasi sa ngayon masaya kami."

"Basta I'm super happy and yes, isa si Phil sa rason ng happiness ko."