Galit na galit ang talent manager na si Annabelle Rama kaninang umaga, December 6, nang makausap ng press sa Quezon City Regional Trial Court (QCRTC).
Nagmamadaling umalis si Annabelle mula sa isang clarificatory hearing para sa kasong child abuse at defamation na isinampa ni Nadia Montenegro laban sa kanya.
Nagkaroon kasi ng bahagyang kaguluhan nang magsisigaw si Annabelle sa loob ng office ng piskal na si Liezel Aquiatan-Morales. Kahit na humahangos ay nakapagbigay pa rin ng maikling panayam si Annabelle sa media na humahabol sa kanya.
